Asli Jowo Nanging Ora Cetho

Aku iki asline dilairke ning tanah jowo, sabendino nganggo boso jowo, anake wong jowo. Mulo kuwi, ning postingan iki aku arep mraktekke kepiye nulis nganggo boso jowo.

Sakjane aku ora ngerti tenan, koyo opo sih boso jowo sing apik kuwi. Soale jowo dewe kan ombo. Ono pirang-pirang dialek lan logat. Nanging, sing paling tak kuasai yo jowone Pacitan kecampur Solo sithik. Dadi menowo tulisanku ~ istilahe ora konsisten ~ karo boso jowo logat ngendi ngono yo ojo gelo. Lan menowo mengko panjenengan nemoni boso aneh sing ora cetho, yo maklumi wae bahwa iki latihanku lan bukti roso tresnaku marang warisane nenek moyangku, yoiku boso jowo.

Mbiyen pas aku isih kelas limo SD, aku nduwe guru (saiki wes almarhum) sing seneng banget ngajari murid-muride honocoroko. Aku barang yo kepincut seneng. Mulo meh saben sore bubar sekolah kae, bapake kuwi ngajari nulis huruf jowo kanthi telaten. Tenanan iki. Kelas tambahan kuwi gratis, ora mbayar. Yo ming nyelakke wektu sedhelo, tinimbang nggo dolanan pasar-pasaran utowo gobak sodhor utowo buron playon, mendhing wektune nggo sinau boso jowo.

Sampek aku apal mbiyen ki, piye nulis honocoroko, piye ale moco. Pokoke seneng banget. Bangga dadi muride bapak guru kuwi mau.

Sampek SMP, boso jowo isih dadi mata pelajaran mulok ‘muatan lokal’. Nah, pas iki gurune wes bedo. Roso senengku karo huruf jowo ora koyo pas aku isih kelas limo SD. Lha wong jaman kuwi sing dicritakke ngalor ngidul dudu honocoroko maneh. Opo cobo petheken? Hem, bener! Meteor Garden sing ono tomingse-ne kae #halah mbuh piye nulise tomingse sing bener aku ra ngerti# karo sakbolone sing telu.

Sakjane aku ora pati kepincut karo sing jenengane tomingse kuwi. Aku yo arang-arang nonton kok. Nah, mergo ra ono kancane caturan perkoro honocoroko aku yo dadi lali. Bar kuwi males mbolan-mbaleni. Akhire mergo ning SMA wes ra ono mulok boso jowo, aku lali tenan saiki. Pengelengku marang huruf jowo kari srawang-srawang. Jek ketok jek ora, jek kelingan jek ora. Yen saiki dites ngono paling aku yo akeh laline. Hahaha! Mbuh iki bocah aneh.

Aku meh ganti takon, opo yo panjenengan ki iso nulis huruf jowo? Wah, mesti akeh sing njawab ora iso. Iyo to? Pancen!

Perkoro toto boso pun aku yo ra iso banget kok. Lha iki bosoku campur aduk ora nggenah. Ngoko opo alus, wes embuh. Pokoke asal muni, asal nulis, mugo-mugo wae sing moco mundhak paham.

Ngomong-ngomong aku dadi nduwe kepengenan. Bubar nulis iki, ning postingan sakteruse aku pengen nulis nganggo boso jowo maneh ah. Bakal cetho ora yo? Hem, yo tak cobone. Sopo ngerti kemampuanku berboso jowo iki mengko dadi meningkat. Dadi ora ngisin-isini wong tuoku yen aku iki isih asli anake wong jowo.

Eh, lha ngopo to yen aku nulis ngene iki nganggo boso jowo? Opo ono sing terganggu? Lak ora to? Emm, ono sih wong sing gengsi yen nulis ki nganggo boso jowo #curhat. Lha panjenengan opo yo gengsi to? Wah, ora koyo aku yo paling. Hehehe!

Eh sedulur, aku ora berniat rasialis lho. Eh, opo kui istilahe ngapik-apike kebudayaane dewe kui? Bener ora istilahku? Tenanan, aku nulis iki ora ono tendensi #tendensi ki boso jowone opo?# opo-opo. Yo mung kepengen ngeksis wae asline. Timbang lungguh songgo uwang, mengko aku dikirani wong lagi galau coro istilahe cah-cah saiki. #asline sih yo galau, tapi anggep wae pas nulis iki lagi normal#. 

Niatku iki mung ajar boso jowo ben ketrampilanku njowo ki soyo apik. Sak luwihe kuwi yo etung-etung latihan nulis ben gaul #hubungane nulis karo gaul ki yo mbuh aku ora weruh#.

Sepisan mau asline aku meh nulis layang tresna. Jalaran aku isin yen tulisanku mbok woco, yo uwes aku ngembyoworo tekan ngendi-endi. Rodo gengsi barang mengko yen mase sampek ngerti aku tresno karo dhewekke. Arep nggawe puisi yo wedine nek dadi puisi abal-abal, paling yo ra ono sing minat. Arep nggawe pantun yo pantun opo. Mosok lagi nandang wuyung pantune pantun nasihat. Waduh, embuh nyambung opo ora kuwi mengko. Dadi tak pikir sing paling aman yo nulis ora cetho koyo mengkene wae.

Aku yo ora ngerti iki mau intine opo. Kesimpulane yo simpulno dewe. Aku luwih seneng yen bar moco iki panjenengan ‘kepekso’ ngguyu mergo ora cetho.

Sampung nggih, Sedherek. Suwe-suwe aku isin dhewe. Dudu mergo boso jowoku sing pating krusak-krusuk, tapi aku isin yen podho ngerti aku lagi galau. Hahaha! Pun, kulo pamit. #nyungsep nyang selimut#